ვარჯიში სახლის პირობებში

0

ყველას გვინდა ლამაზი სხეული… ყველამ ვიცით, რომ ამისათვის საჭიროა სხულის კორექცია, შემდეგ ეფექტის შესანარჩუნებლად კი – სპორტი, მაგრამ სამწუხაროდ დატვირთული თანამედროვე რეჟიმის პირობებში ამის დროს ვერ ვპოულობთ…

შევეცდებით დაგეხმაროთ!

ვიწყებთ რუბრიკას “ვარჯიში სახლის პირობებში”!

აქ შემოგთავაზებთ ვარჯიშებს გარკვეული პრობლემატური ზონებისათვის.

დავიწყოთ ბარძაყის შიდა მხრით, რომელიც ყოველდღიურ დატვირთვაში ნაკლებად მონაწილეობს და ამიტომ “ცუდად” იცვლება (ცხიმები, ცელულიტები, ფორმის შეცვლა, დარბილება).

აბა, შევუდგეთ ბრძოლას:

1) ვარჯიში “ბაყაყი”

14302890_1044192899030228_2086697560_nდავწვეთ იატაკზე ზურგით, ავწიოთ ზევით გამართული ფეხები, მივადოთ ქუსლები ერთმანეთს და განზე გავწიოთ თითისწვერები. ამ მდგომარეობაში შევეცადოთ მოვხაროთ ფეხები მუხლებში (რამდენსაც შევძლებთ) და ისევ გავმართოთ.

დავიწყოთ ცოტ-ცოტათი და საბოლოოდ გავაკეთოთ 30-ჯერ. ყოველი 10-ის მერე შევისვენოთ 1-2 წუთით, რომ კუნთი არ დაგვეძაბოს.

2) ვარჯიში “მაკრატელა”

14269269_1044192995696885_1426081346_nვწევართ ზურგზე, ხელები დავდოთ იატაკზე, ფეხები ცოტა ავწიოთ ზევით (დაახლოებით 30 სმ-ზე) და პერიოდულად გავშალოთ და მივატყუპოთ ეს ზევით აწეული ფეხები (ეცადეთ იატაკზე არ დადოთ).

ეს მოძრაობებიც დავიწყოთ ნელ-ნელა და ავიდეთ 30-მდე. ყოველი 10-10ის მერე დავისვენოთ (კარგია თუ შეისვენებთ ასე – თითო-თითოდ ზევით-ქვევით ვამოძრაოთ ფეხები)

3) ბუქნები

14249087_1044193049030213_1656439803_nდავდგეთ იატაკზე, ფეხები გავშალოთ მხრების სიგანეზე, ხელები გავმართოთ წინ, ერთდროულად გავაცუროთ გვერდზე მარცხენა ფეხი და მოვხაროთ მარჯვენა მუხლი (ვეყრდნობით მარჯვენა ფეხს). შემდეგ დავბრუნდეთ საწყის მდგომარეობაში.

გავაკეთოთ ეს მოძრაობა, ხან ერთი, ხან მეორე ფეხით ისევ 30-ჯერ.

რა თქმა უნდა ვიწყებთ ნელ-ნელა, რომ კუნთმა მოასწროს გამკვრივება.

ამავე მდგომარეობაში ბუქნი მეორენაირად:

ისევ ფეხები მხრების სიგანეზე და ხელები წინ გამართული.
წინ გადავაბიჯოთ მარჯვენა ფეხი და ერთდროულად ჩავიმუხლოთ მარცხენათი (მუხლი თითქმის შევახოთ იატაკს). დავბრუნდეთ საწყის მდგომარეობაში და გავაკეთოთ იგივე მეორე მხარეს.

ამ ვარჯიშის რაოდენობაც სასურველია ბოლოს 30-მდე ავქაჩოთ.

4)ვარჯიში ბურთით

14302934_1044193112363540_2050587787_nვწევართ იატაკზე, ხელები იატაკზე, ფეხები მუხლებში მოხრილი, მუხლებშუა გვიდევს ბურთი. ავწიოთ წელი რაც შეიძლება სწორად. გავჩერდეთ ამ მდგომარეობაში 30-60 წამი (მივეჩვიოთ ნელ-ნელა). თან ფეხები მაგრად ვუჭიროთ ბურთს.

ეს მოძრაობა გავაკეთოთ 5-ჯერ, საკმარისია.

5) ინტენსიური ვარჯიში

14269323_1044193189030199_911250079_nვწევართ მარჯვენა გვერდზე, თავი გვიჭირავს იდაყვში მოხრილი ხელით, მარცხენა ფეხი მოხრილი და წინ გადაწეული. ამ მდგომარეობაში ავწიოთ მარჯვენა ფეხი გამართულად ზევით (დაახლოებით 30 სმ იატაკიდან). გავიმეოროთ 10-15-ჯერ.

დავწვეთ მარცხენა გვერდზე და გავაკეთოთ იგივე.
6) წინაღობის დაძლევა

14287687_1044193245696860_492833228_nამისათვის ვიყიდოთ რეზინა-ესპანდერი (ან შეგვიძლია დავიწყოთ ჩვეულებრივი სქელი რეზინით)
ვდგევართ, ფეხები მხრების სიგანეზე, მუხლს ცოტა ქვემოთ გავიკეთოთ რეზინის რგოლი, ავწიოთ მარჯვენა ფეხი ზევით, რამდენიც შეგვიძლია, შემდეგ კი დავაბრუნოთ და პარალელურად ჩავჯდეთ მუხლებზე.

გავიმეოროთ 10-10-ჯერ თითო ფეხისთვის.

აბა თქვენ იცით, არ დაიზაროთ!

ამ ვარჯიშებს ძალიან ცოტა დრო უნდა, რეზულტატი კი ძააალიან სასიამოვნოა! 🙂

თქვენი მარი მილორავა

კომენტარები

comments

დააშეარეთ:

კომპანიის შესახებ

Body Care

Body Care – ეს არის სხეულის საკორექციო ცენტრი, სადაც ხდება გახდომა, სხეულის ნებისმიერი ზონის კორექცია. თქვენს სილამაზესა და მშვენიერებაზე ზრუნავს პროფესიონალი და გამოცდილი კოლექტივი ინდივიდუალური მეთოდოლოგიით.

Leave A Reply